Muzame-ზე რატომღაც არაფერი დაწერილა დევის გუგენჰაიმის It Might Get Loud-ის შესახებ, არადა ამ ფილმს მუსიკასთან ასე თუ ისე კავშირი აქვს, თან არსებობს ხალხი, რომელიც ამ ფილმს დიდ და საინტერესო მოვლენად მიიჩნევს, მგონი სულ ორნი არიან, მაგრამ ფაქტია რომ არსებობენ. ფილმი ჯერ კიდევ შარშან გამოვიდა, აპრილში და აი ამ ერთი წლის წინანდელი სიახლის შესახებ ვწერ მე დღეს მუზამესთვის.
პოსტის თეგები ‘U2’
February6
It Might Get Loud
December16
პოლ მაკარტნი, U2 და კარენ ო ოქროს გოლობუსზე
Paul McCartney, U2 და Karen O (Yeah Yeah Yeahs) ოქროს გოლობუსზე არიან ნომინირებული. ლეგენდარული პოლ მაკართნი და U2 დაუპირისპირდებიან ერთმანეთს ნომინაციაში საუკეთესო სიმღერა, ასევე ამ ნომინაციაში წარდგენილია ჯეიმს ჰორნერის და საიმონ ფრანგელის სიმღერა “I See You” (ფილმ ავატარი თემა) Leona Lewis-ის შესრულებით (და რატომღაც ძალიან მაგონებს ტიტანიკის საუნდტრეკს სელენ დიონის შესრულებით). კარენ ო კი ნომინირებულია ფილმისთვის “იქ, სადაც მონსტრები ცხოვრობენ” სპეციალურად შექმნილი თემისთვის ნომინაციაში Best Original Score.
ოქროს გლობუსის რიგით 67-ე ცერემონიალი გაიმართება 17 იანვარს.
December15
U2-ს ჩამოყვანა ბათუმში იგეგმება!!!
ფოტოზე: U2-ს უზარმაზარი 360 გრადუსიანი სცენა
ჯერ შეისუნთქეთ, ღრმად შეისუნთქეთ ქართველო მელომანებო, და მერე ღრმად ამოისუნთქეთ და თავს უფლება მიეცით რომ სიხარულისგან ბოლო ხმაზე იყვიროთ.
MUZAME არის ერთ-ერთი პირველი საიტი ქართულ ინტერნეტ-სივრცეში ვინც ქართველ მსმენელს ამას ექსკლუზიურად აუწყებს: დიახ, საახალწლოდ თბილისში კონცერტს გამართავს ლეგენდარული როკ-ჯგუფი U2. ამის შესახებ განცხადება საქართველოს პრეზიდენტმა,მიხეილ სააკაშვილმა რამდენიმე საათის წინ გააკეთა. თავის მოხსენებაში ის საუბრობდა საქართველოში ტურიზმის განვითარების ტენდენციებზე და ამას მოაყოლა ისიც, რომ საახალწლოდ თბილისს ლეგენდარული U2 ეწვევა. ეხლა ისევ ჩაისუნთქეთ, და თანამედროვეობის უდიდესი როკ-ჯგუფის ლაივის სანახავად მოემზადეთ!
update (19:24, 9 დეკ.): როგორც ახლახანს პრეზიდენტის პრეს-სამსახურმა აცნობა Muzame-ს, U2-ს ჩამოყვანა ნამდილად დაგეგმილია, მოლაპარაკებები ბოლო ეტაპზეა. ყველა დეტალი და საბოლოო გადაწყვეტილება სამშაბათს, 15 დეკემბერს გახდება ცნობილი და “მუზამე” მომენტალურად შეგატყობინებთ ყველა ინფორმაციას დაგეგმილ კონცერტთან დაკავშირებით.
update 2 (04:24, 10 დეკ.) დღესვე ცნობილი გახდა, რომ U2 არამხოლოდ თბილისში, არამედ ბათუმშიც გამართავს კონცერტს. ბათუმის კონცერტი მოგვიანებით, 2010 წლის სექტემბრისთვის იგეგმება და ამ საკითხზე მოლაპარაკებებს კომპანია “ისთერნ პრომოუშენი” აწარმოებს.
update 3 (20:24, 15 დეკ.) რამდენიმე დღიანი ლოდინის შემდეგ როგორც იქნა ნათელი მოეფინა ჯგუფ U2-ს გარშემო თბილისში ატეხილ აურზაურს. დღეს ამასთან დაკავშირებით სპეციალური ბრიფინგი მოაწყო პრეზიდენტის პრეს-სპიკერმა მანანა მანჯგალაძემ. გთავაზობთ მის კომენტარს: “მომავალ წელს რამდენიმე კლასიკური, პოპ, ჯაზ, რეპ და როკ ფესტივალია დაგეგმილი, ამ ყველეფრისათვის გამოყოფილია გარკვეული თანხა. მათ შორის, აჭარის მთავრობის მხრიდან მიმდინარეობს მოლაპარაკება ლეგენდარულ ჯგუფ “y2”- თან და ამ რანგის სხვა ცნობილ ჯგუფებთან, რომელთა ჩამოყვანის სურვილი არსებობს ზაფხულისთვის ”-განაცხადა მანანა მანჯგალაძემ”. (განცხადების სრული ტექსტი იხილეთ ოფიციალურ ვებ-გვერდზე
აღსანიშნავია რომ პრეზიდენტი ჯგუფ Y2-ს ჩამოყვანას გვპირდება. ეჭვიც არ გვეპარება რომ ადამიანმა, რომელმაც ვებ-გვერდზე ეს განცხადება ატვირთა, ჯგუფის დასახელება ან არ იცოდა, ან უბრალოდ შეეშალა. იმედია ჩვენი პრეზიდენტი ბათუმში ნამდვილად ლეგენდარულ ირლანდიურ როკ-ჯგუფს U2-ს გვპირდება, და არა უგანდის ტომთა ფოლკლორულ-ინსტრუმენტალურ კვარტეტს Y2-ს.
სამწუხაროა რომ ქვეყნის პრეზიდენტმა დააანონსა კონცერტი, რომელზე მოლაპარაკება არც კი ყოფილა. იმედია 2010 წლის ზაფხულში ბათუმში U2 ნამდვილად ჩამოვა.
ინფორმაციის გამოყენებისას წყაროს (www.muzame.ge) მითითება აუცილებელია!
December1
Glastonbury 2010-ის ჰედლაინერი U2 იქნება
2010 წელს გლასტონბერის ფესტივალს U2 დახურავს. აღსანიშნავია, რომ ამდენი წლის განმავლობაში ჯგუფი პირველად დაუკრავს ამ ფესტივალზე. მათი კონცერტი 25 ივნისის ღამეს ჩატარდება. სხვათა შორის, მომდევნო წელს ფესტივალს 40 წელი უსრულდება. გლასტონბერის მთვარი გურუ Michael Eavis აცხადებს: “როგორც იქნა 26 წლიან მითქმა-მოთქმას წერტილი დაესვა. მსოფლიოს უდიდესი ჯგუფი მსოფლიოში საუკეთესო ფესტივალზე დაუკრავს. ჩვენს 40 წლის იუბილეზე ამაზე კარგი ვერაფერი მოხდებოდა და ამის გარდა კიდევ სხვა ბევრი სიურპრიზიც გვაქვს მომზადებული”. საგულისხმო ფაქტია, რომ მომავალი წლის ივენთის ყველა 177,500 ბილეთი უკვე ამ წელსვე გაიყიდა.
October26
U2-ს კონცერტი YouTube-ზე
25 ოქტომბრის ღამეს პოპულარულმა საიტმა YouTube ჯგუფ U2-ს კონცერტის ლაივ-ტრანსლაცია მოახდინა. კონცერტს, რომელსაც ლოს ანჯელესის Rose Bowl სტადიონზე 100 000 მაყურებელი ესწრებოდა, იუთუბის საშუალებით მსოფლის 5 კონტინენტიდან 3 მილიონმა ადამიანმა უყურა პირდაპირ ეთერში და მსოფლიო მუსიკალურ ინდუსტრიაში კიდევ ერთ გადატრიალებად აღიარეს.