Modern Art+Electro Days–ს ფარგლებში შეგეძლებათ მოისმინოთ ქართველი და არაქართველი ელექტრო მუსიკოსები, რომლებიც მუსიკასთან ერთად ვიზუალური არტით გაფორმებულ სანახაობას გვპირდებიან. თანამედროვე არტისა და მუსიკის დღეებს ნიკაკოი, იგივე ნიკა მაჩაიძე გახსნის სწორედ ვიდეო შოუს თანხლებით. ამავე დღეს დაუკრავს ჟორჟიკაც, რომელსაც  მიხაელ შვანენი, ანუ  beachcoma ჩაანაცვლებს, რომელიც მუსიკალურ ინდუსტრიაში უკვე დიდი ხანია მოღვაწეობს, საკუთარი ლეიბლები აქვს და ტექნო მუსიკის მოყვარულების გულთა მფლობელია.

ამავე დღეს დაუკრავს გერმანელი მელოდიური ტექნო მუსიკოსიMichaela Dippel, იგივე  ადა, რომელიც  მუსიკის კრიტიკოსების და მელომანების ყურადღებას ერთნაირად იქცევს მას შემდეგ, რაც  2004 წელს მისი სადებიუტო ალბომი, ‘Blondie’-ი გამოვიდა გაყიდვაში, რომელსაც საკმაოდ მასშტაბური გამოხმაურება მოჰყვა და მასზე წერდნენ ისეთი მსხვილი გამოცემები როგორებიც არიან: New york times, Pitchfork (ამ უკანასკნელმა ‘Blondie’ 8.6 ქულითაც კი შეაფასა), მან წელს რიგით მეორე ალბომი ‘Meine Zarten Pfoten’ გამოსცა DJ Koze-ს ლეიბლ Pampa-ზე.

იმისათვის, რომ პარასკევი  და შაბათი საღამო მუსიკისა და ვიზუალური არტის მოყვარულებმა ნამდვილად Modern Art+Electro Days–ზე გაატაროთ,  მოტივატორად გთავაზობთ ივენთებზე მოწვეული არტისტების ნამუშევრებს.
Beachcoma – Pizzafight by Beachcoma

Jorjick – Lift 011 by jorjick 

ივენთის შესახებ სხვა ინფო 

Natalie Beridze / TBA “What About Things Like Bullets” taken from the album “Forgetfulness” (monika72).

Director / Animator / Edit: Nika Machaidze
Camera: Sandro Darakhvelidze

What About Things Like Bullets EP Release Info

www.monika-enterprise.de

საბოლოოდ სპონსორები გამოჩნდნენ და უვადოდ გადადებული  ელექტრონავტები, რომელიც წელს უკვე მესამედ ტარდებოდა,  კლუბ “G.U.R.U”-ში შედგა.

თამამად შეიძლება ითქვას რომ ქვეყანაში არსებულ მუსიკალურ  მოვლენებს შორის ცერემონიალი  ერთ-ერთი ყველაზე მნიშვნელოვანია.  მისი  საშუალებით მუსიკოსებს აქვთ სივრცე, სადაც შეუძლიათ  ერთმანეთს მოუსმინონ, გაიგონ, რა ხდებოდა ბოლო ერთი წლის განმავლობაში, მსმენელს საუკეთესო ნამუშევრები  მიაწოდონ და ამ ყველაფრის პარალელურად გაიგონ  მელომანების  აზრი.

წელს ელექტრონავტების დაჯილოების ცერემონიალზე რამდენიმე სიახლე იყო.

• ამჯერად “ელექტრონავტები” არამხოლოდ ინტერნეტ გამოკითხვის, არამედ საერთაშორისო ექსპერტების (მუსიკოსები, დიჯეები, ჟურნალისტები) შეფასებითაც გამოვლინდნენ. გამოკითხვაში  სულ 3500-მდე ინოვაციური მუსიკის მოყვარულმა მიიღო მონაწილეობა.
• ტრადიციული ნომინაციების გარდა დაჯილდოებას  ახალი ნომინაცია “წლის საუკეთესო ქართული თრექი”  დაემატა. ამ ნომინაციაში გამარჯვებული სწორედ საერთაშორისო ჟიურიმ გამოავლინა.

კლუბ “G.U.R.U” შეკრებილთათვის    თავიდან ჯგუფმა ვიტამინმა დაუკრა, შემდეგ  სცენაზე 2007 წლის ელექტრონავტი, ნიკა მაჩიძე და ტუსია ბერიძე ავიდნენ. წელს  ტუსიამ  წლის საუკეთსო ტრეკის ნომინაციაში გაიმარჯვა.

ელექტრონავტ 2009-ში მონაწილეობდნენ ასევე შარშანდელი გამარჯვებულები Greenbeam & Leon-ი ახალი პროექტით და პლიუს ერთი  ახალი წევრით.

დაუკრა sTia-მაც, რომლის დებიუტი პირველად სწორედ ელექრტონავტებზე მოხდა და ამბობს, რომ მისთვის დაჯილდოების ცერემონიალი ყოველთვის განსაკუთრებით ემოციურია.

განსაკუთრებით საინტერესო სანახაობა Kung Fu Junkie-მ  და Zomb-მა შემოგვთავაზეს. არ  შეიძლება ასევე არ აღინიშნოს დუეტ  Me and My Monkey-ს გამოსვლა, რომელსაც სრულიად კლუბში არსებული მსმენელის ოვაციები მოყვა და ირაკლი შონია, რომელსაც  ნაჯას შეფასებით სენტიმენტალურ საცეკვაო მუსიკაში ბადალი არ ყავს. ხო,  საღამოს წამყვანი ნაჯა იყო, იგივე ნათია  ორაშვილი, რომელიც უკვე კარგად ცნობილია komuna.ge-ს აქტიური მომხმარებლებისთვის  მისი სატელევიზიო გამოშვებიდან.

დაჯილდოების ცერემონიალის კულმინაცია ბუნებრივია წლის ელექტრონავტის გამოვლენა იყო. ამ ნომინაციაში გამარჯვებულ ლადოს ბედი ნამდვილად წყალობდა, ის ჯერ წლის საუკეთესო დიჯეი გახდა და როგორც თვითონ თქვა, მეტ პრიზს აღარც ელოდებოდა, თუმცა თვლის რომ  2009 წლის ელექტრონავტობა სამართლიანად მოიპოვა და ბოლო პერიოდში მისი დაუღალავი შრომის  ბუნებრივი შედეგია .

დანარჩენ ნომინაციებში გამარჯვებულთა სია კი ასეთია:

საუკეთესო მხარდამჭერი კომპანია – Marlboro

საუკეთეოს რადიო გადაცემა – Electronica (Guru FM)

საუკეთესო ლეიბლი- Minibus

საუკეთესო ივენთი – Djuma Soundsystem, Future Funk Squad & MC Mojo @ Pavilion

საუკეთესო ვენიუ – G.U.R.U Club

დაჯილდოების ცერემონიალის ბოლოს ელექტრონავტების ორგანიზატორი სერგი გვარჯალაძე ავიდა სცენაზე და ჟორჟიკასთან ერთად  გაკეთებული ერთი ტრეკი შემოგვთავაზა. ელექტრონავტებმა კიდევ ერთხელ დაადასტურა ფაქტი, რომ  ერთ-ერთი ყველაზე ღირებული მუსიკა, რაც დღეს ჩვენს თვალწინ კეთდება, ელექტრონული მუსიკაა და რომ ამ ჟანრში მოღვაწე ქართველი მუსიკოსების რიცხვი ყოველწლიურად იზრდება, მათი ნამუშევრები კი უფრო და უფრო იხვეწება.

მიუხედავად იმისა, რომ თავად მონაწილეებს ნომინაციებთან და  ფინალში გასვლის წესებთან დაკავშირებით გარკვეული შენიშვნები აქვთ, მაინც ყველა ერთხმად აღიარებს, რომ ელექტრონავტების ყოველწლიურად ჩატარება ძალიან მნიშვნელოვანია.

“მუზამე” უახლოეს ხანში შემოგთავაზებთ  ინტერვიუს  Me and My Monkey-სთან, სადაც ბევრ საინტერესო თემასთან ერთად ელექტრონავტებზეც იქნება საუბარი.

სერგის ინტერვიუ კი უკვე დაანონსებულია და სავარაუდოდ, მასაც მალე შემოგთავაზებთ.

შეგახსენებთ, რომ წლევანდელ ცერემონიალს ახალი ნომინაცია დაემატა – “წლის საუკეთესო ქართული თრექი”, რომელსაც თქვენი ხმები და ჟიური ამოარჩევს.

electronauts.ge
komuna.ge

ვინც კლუბ 33ა-ში ნამყოფი ხართ, გეცოდინებათ იქაური ატმოსფერო, რაც, ჩემი აზრით, ან ასეთი ჟანრის მუსიკისთვის არ არის განკუთვნილი, ან ჩემს სტერეოტიპებს ეწინააღმდეგება. უბრალოდ “პუფებში” ჩაფლობილი 30-ოდე ახალგაზრდა, რომელიც გაუნძრევლად უსმენს ასეთ ბითებს, მელოდიას, მოკლედ ელექტრონულ მუსიკას, უცნაურია მომეჩვენა და ძალიან დამაინტერესა რომელ სამყაროში იყვნენ გასულები, მაგრამ აღმოჩნდა, რომ საქმე სხვა რამეშია – ქართველ მსმენელს ალბათ ეშინია ემოციის გამოხატვის, სათაკილოდ მიაჩნია ადგეს და იცეკვოს ელექტრონულ მუსიკაზე.მგონი დროა ეს პრობლემა ყველამ ჩვენს თავში მოვაგვაროთ, სხვანაირად ამას 100 ჩამოყვანილი სანატრელი ჯგუფითაც კი ვერ უშველი (ამ თემაზე ძალიან გამიგრძელდა, მაგრამ უნდა დამეწერა).

რაც შეეხება მუსიკალური მხარეს, ძალიან კარგი იყო. მოსმენილი კომპოზიციებიდან დიდი ნაწილი უცხო და ახალი იყო. შესანიშნავი მიქსი იყო. დასაწყისში ლამაზ ემბიენტურ ტალღებს აგვაყოლა, შემდეგ კი უხეში, მაგრამ სასიამოვნო გლიჩ ბითები წამოვიდა და ბოლოს, საკვირველია თუ არა, არ ვიცი, მაგრამ საკმაოდ რითმული ტექნოც კი მოსინჯა ნიკამ. საბოლოო ჯამში ეს ყველაფერი ძალიან ლამაზი და საინტერესო მოგზაურობის ასოციაციას ქმნიდა.

P.S. ახლო მომავალში კი ნიკასთან ინტერვიუსაც შემოგთავაზებთ…