Artist: Okinawa Lifestyle
EP: Lazy Friend You Move So Fast
Release Date: 25 July, 2010
Label: self-released
შეფასება: 1 2 3 4 5 6 7 8 9 10
We have stayed in the future
გიგიმ და დათომ ულვაშები მოუშვეს და მერე ახალი EP-იც გამოუშვეს(როგორ გავრითმე :დ) და მერე ეს EP უფასოდ გვაჩუქეს (მაგრამ არა ისე, როგორც ბიძიებს ჩუქნიან ხოლმე ქუჩაში სახელებს “ლამაზი გოგონები”)
last.fm-ზე შაუთებს ვკითხულობდი გუშინ, მას შემდეგ რაც მივხვდი რო უკვე გაჭედილი მქონდა ამ EP-ზე, და ერთი, მგონი ამერიკელი, სიტყვით გამოდიოდა ესენი “იტყუილებიან” ოკინავადან არ არიანო და მერე ვიღაცამ (ის სადური იყო აღარ მახსოვს) “who cares”-ო მიწერა, მთავარია მაგრები არიანო.
განვაგრძოთ კითხვა
კატეგორია: Free Albums, ახალი რელიზები, რეცენზია
July19
ავტორი: ნასტასია არაბული
ჯაზი ელიტარულია, სნობებს იზიდავს და აერთიანებს, ხალხი პოზის გამო უსმენს და ჯაზში მხოლოდ ქალიშვილები არიანო, ამბობენ ხოლმე.
შესაბამისად ეს ფრაზები ალბათ მარტო მე არა, თქვენც არაერთხელ გსმენიათ.
ბათუმის ჯაზ ფესტივალმა კი ეს ფრაზები ოდნავ შეცვალა.
ჯაზი ელიტარული არ არის, მას ყველა უსმენს, ვინც 15 დან 19-მდე ბათუმში, ტენისის კორტებზე მოხვდა. იქ პუბლიკა მეტად ჭრელი და საინტერესო იყო. ჭრელ პუბლიკაში ბუნებრივია ისეთებიც მრავლად მოიპოვებოდნენ, ვისთვისაც სასმელის ბოთლების და კოქტეილის ჭიქების პირდაპირ სცენაზე დაწყობა ჩვეულებრივი ჩვევაა და ისინი არასოდეს იფიქრებენ, რომ თუნდაც კორტებზე, ცივილურმა ადამიანმა აუცილებლად უნდა მოძებნოს ურნა, რომელსაც სხვა არანაირი დანიშნულება არ აქვს, თუ არა ნაგვის ათვისება.
იყვნენ ისეთებიც, რომლებიც მხოლოდ და მხოლოდ მუსიკას ხედავდნენ, ისმენდნენ, იწოვდნენ და ირგვლივ მოსეირნე საზოგადოების კაბების ფრიალი სულ არ ანაღვლებდათ. კაბების მოფრიალეები კი მშვენიერი კასტაა, ახარებს გულსა კაცისასა და ნაგავს ძირითადად ურნაში ყრის. სიამოვნებით ცეკვავს და როგორც წესი, ბედნიერად გამოიყურება.
განვაგრძოთ კითხვა
კატეგორია: რეცენზია, ფესტივალი
July14
ავტორი: Sopo Molokos
Artist: Bombay Bicycle Club
Album: Flaws
Release Date: July 12, 2010
Label: Island Records
შეფასება: 1 2 3 4 5 6 7 8 9 10
ინდური ფასტ-ფუდი არ გამისინჯავს და დანამდვილებით ვერ ვიტყვი, რამდენი თანამგზავრი ჰყავს ურანს, არც დაკრძალვაზე შემითვალიერებია ვინმე ბასისტი საკუთარი ბენდისთვის არასდროს და სკოლა რო დავამთავრე, ატესტატი წვიმამ დამისველა, მახსოვს.
ამ ოთხი დიდი ნაკლის მიუხედავად, მე ვიცი, რა არის BBC. და ბარემ იმასაც გეტყვით, რომ ეს ის არაა, რაც თქვენ იფიქრეთ. BBC ყველასთვის ცნობილი იმ დიდი ბობოლა სამაუწყებლო კომპანიის გარდა, სწორედ ინდური ფასტ-ფუდის სახელწოდებაა (Bombay Bicycle Club) და სამწუხაროდ, არაფერი აქვს საერთო ველოსიპედთან.
განვაგრძოთ კითხვა
კატეგორია: რეცენზია
June19
ავტორი: ნასტასია არაბული
Artist: Angus And Julia Stone
Album: Down The Way
Release Date: 12.03.2010
Label: Nettwerk
შეფასება: 1 2 3 4 5 6 7 8 9 10
მთელი ბავშვობა მინდოდა რომ ჩემზე დიდი ძმა მყოლოდა. თან ისე, ახირებულად, რომ არ ვიცი რად მინდოდა, მაგრამ ვიცი მაინც ძალიან რომ მინდოდა. მერე გავიზარდე და მივხვდი, რომ რეალურ რამეებზე უნდა იოცნებო და უფროს ძმაზე ოცნება შევწყვიტე. ორი თვის წინ ავსტრალიელი ანგუსისა და იულიას/ჯულიას მეორე ალბომის დეგუსტაციისას მივხვდი, რატომ მინდოდა მთელი ბავშვობა უფროსი ძმა.
განვაგრძოთ კითხვა
კატეგორია: რეცენზია, სიახლე
June9
ავტორი: Buda Brikoleri
Artist: The Morning Benders
Album: Big Echo
Release Date: March 9, 2010
Label: Rough Trade Records
შეფასება: 1 2 3 4 5 6 7 8 9 10
ბუნდოვნად მახსოვს, მამაჩემი როგორი აღტაცებით მიხსნიდა, თუ რა მაგარი ნაწარმოები იყო რაველის ბოლერო. განსაკუთრებით ინსტრუმენტების შესვლა მოსწონდა – ნელ-ნელა, თითო-თითოდ. მაგრამ მე მაშინ ბრიტნი სპირსის აუოზბორნთუმეიქიუჰეფიზე უფრო მბურძგლავდა.
განვაგრძოთ კითხვა
კატეგორია: ახალი რელიზები, რეცენზია
June7
ავტორი: სანდრო გვარჯალაძე
Artist: Catch The Clouds
Album: Nobody At Home
Release Date: 06 June 2010
Label: self-released
შეფასება: 1 2 3 4 5 6 7 8 9 10
ცნობილი ფაქტია რომ ბეთხო Play Paranoid-ის პროდუსერი იყო და მათთან ერთად ალბომზე მუშაობდა შარშან, მაგრამ მისი და გიორგი არზიანის ღია პროექტის, Catch The Clouds-ის შესახებ ბევრმა არ იცის. ნეტში მგონი რამოდენიმე სიმღერა იყო გავრცელებული და რამოდენიმე ტრეკიც სპეისიდან შეგეძლოთ მოგესმინათ. დღეს ინტერნეტ ალბომი Nobody at home გამოქვეყნდა.
განვაგრძოთ კითხვა
კატეგორია: Free Albums, Free Download, ახალი რელიზები, რეცენზია
May26
ავტორი: თორნიკე ხაჭაპურიძე
Artist: SayCeT
Album: Through The Window
Release Date: 22 March, 2010
Label: MVS Records
შეფასება: 1 2 3 4 5 6 7 8 9 10
თამამად შეიძლება ითქვას, რომ 2010 წელთან ერთად ეს ალბომი აუცილებლად გამახსენდება, არა იმიტომ, რომ ადვილი და სასიამოვნო მოსასმენია, არც იმიტომ, რომ ვოკალი ესე ძალიან უხდება ელექტრონიკას, არამედ სუნით, სუნით, რომელიც ოთახში ყოველი მოსმენის დროს იგრძნობა.
განვაგრძოთ კითხვა
კატეგორია: ახალი რელიზები, რეცენზია
May24
ავტორი: Sopo Molokos
Artist: Adam Green
Album: Musik For A Play
Release Date: 11 May 2010
Label: Contraphonic
შეფასება: 1 2 3 4 5 6 7 8 9 10
დედამიწაზე მრავალი ჯიშის ძაღლი რომ არსებობს, მეტად ცნობილი ფაქტია. ყველას თავისი ხუშტური და ხასიათი რომ აქვს, ესეც ყველამ იცის. ასე მაგალითად, არსებობენ ავი ძაღლები, რომლებიც იკბინებიან; ავები, რომლებიც არ იკბინებიან, მაგრამ სამაგიეროდ გულისგამაწვრილებად ყეფა ეხერხებათ; არიან კატის მოძულე ძაღლებიც, რომლებიც თაგვებთანაც კი ქმნიან კოალიციას კატის გასანადგურებლად; არსებობენ ისეთებიც, ოღონდ აძინე და მეტი არაფერი უნდა ამ ცხოვრებისგან. კიდევ ისეთებიც არიან, თავიანთი პატრონი რომ ძალიან უყვართ და პატრონის გასაჭირსაც რომ ძაღლურ სატკივართან აიგივებენ. აი ასეთი ძაღლებისთვის არსებობენ პოლ ოსტერისნაირი მწერლები, რომლებიც მხატვრულ ნათელს ჰფენენ დაუძლურებული პატრონის ხელში მცხოვრები ძაღლის დუხჭირ ყოფას.
განვაგრძოთ კითხვა
კატეგორია: რეცენზია
May21
ავტორი: Buda Brikoleri
Artist: Marissa Nadler
Album: Little Hells
Release Date: 3 March 2009
Label: Kemado Records
შეფასება: 1 2 3 4 5 6 7 8 9 10
შუა ზაფხულში განსაკუთრებით სასიამოვნო ყოფილა ფოიერვერკის ყურება. მით უფრო, თუ მხოლოდ ერთია და რამე დღესასწაულს ან კონცერტს არ აღნიშნავს – დაჯდები, იფიქრებ, რომ ეს ფოიერვერკი შენ გეძღვნება. რატომაც არა, სრულიად შესაძლებელია, ვინმეს მოუნდეს შენთვის ფოიერვერკის მოძღვნა! უბრალოდ, გუშინ ეს არ წარმომედგინა – ოთახში შემოფრენილ ტარაკნისებურ არსებებს ვებრძოდი “ჩუსტებით”, ხმა რო გავიგონე. ფოიერვერკზე ერთ-ერთი ამერიკული ფილმი გამახსენდა, სადაც ქოვბოები და (სავარაუდოდ) ფოიერვერკები ფიგურირებდნენ.
აი მარისა ნადლერი ამერიკის სუნს, ქოვბოების ქუდებს, რევოლვერებს, გაოფლილ ცხენებს, ქვიშას, სიცხეს, ულვაშებიან უხეშ მამაკაცებს, კლინტ ისტვუდს და ყველაზე მეტად, დიდ კანიონს ინახავს საკუთარ სიმღერებში. რაღაც ძალიან ოფიციალურად ჟღერს, მაგრამ საკმარისია ალბომის მოსმენა დაიწყო, მაშინვე წითელ ქვიშას შემოგაყრის თვალებში და სხვა რეალობაში გადაგისვრის.
განვაგრძოთ კითხვა
კატეგორია: რეცენზია
May14
ავტორი: სანდრო გვარჯალაძე
Artist: Keith Jarrett And Charlie Haden
Album: Jasmine
Release Date: 12 May 2010
Label: ECM
შეფასება: 1 2 3 4 5 6 7 8 9 10
ბავშვობაში ყველას გვიფიქრია, ნეტა როგორი იქნება ფილმი სადაც სილვესტერ სტალონე, ბრუს უილისი, დოლფ ლუნგრენი, კალიფორნიის აწ გუბერ(ტერმი)ნატორი და ჯეტ ლი ბოროტებას ერთად ებრძვიან? სილვესტერ სტალონემ ეს მითი რეალობად აქცია. მსგავსი ეპიკური შერკინებები დიდი იშვიათობაა, და ძირითადად დიდი ნაგავი გამოდის ამ გრანდიოზული წამოწყებებიდან, მაგრამ ფილმს დაველოდოთ. გაუგებარი მოლოდინი გამიჩნდა როცა დავინახე კიტ ჯარეტის და ჩარლი ჰეიდენის ერთობლივი ალბომი. წარმოიდგინეთ ერთ მხარეს ჯაზის მონუმენტური ქანდაკება, კიტ ჯარეტი და მეორე მხარეს ჩარლი ჰეიდენი, კონტრაბასისტი რომელიც Free Jazz-ის ფესვებთან იდგა. საინტერესოა არა? მიმიქარავს სტალონე.
განვაგრძოთ კითხვა
კატეგორია: ახალი რელიზები, რეცენზია
