აი ახლოვდება ახალი წელიც და წინასაახალწლო ციებ-ცხელება უფრო და უფრო სახალისო ხდება. ვფიქრობთ სად შევხვდეთ ახალ წელს, ვის ვეწვიოთ სტუმრად, ვინ მოვიპატიჟოთ, სახლი როგორ მოვრთოთ, რა ვსვათ, რა ვჭამოთ… მოკლედ ყველაფერზე ვფიქრობთ…

განსხვავება ისაა, რომ მელომანები ამ სიას კიდევ ერთ კითხვას უმატებენ: რას მოვუსმინოთ? მომდევნო კვირას მუზამე შემოგთავაზებთ საახალწლო სიმღერების კრებულს, რომელიც ნამდვილ საზეიმო განწყობას შეგიქმნით. დაწყებული გასული საუკუნის ბლუზ-მოტივებზე აგებული რეტრო-ჰანგებით, დამთავრებული Marry Christmass-ის მეტალ და ელექტრო ვერსიებით, ისე რომ ყველა ჟანრის მსმენელი კმაყოფილი დაგვრჩეს.

მომდევნო კვირასვე მუზამე ახალ ავტორებს, ახალ პუბლიკაციებსა და ახალ ინტერვიუებს შემოგთავაზებთ, ოღონდ ამჯერად ქართულ ჯგუფებთან… აი იქამდე კი ერთად წავიკითხოთ, რა “გამოვჩარხეთ” მუზამეს ავტორებმა ჩვენს მუსიკალურ ლაბორატორიაში.

სიახლეები:

• ===> U2-ს თემას აქტუალობა არც ამ კვირას დაუკარგავს, თუმცა თემის გაგრძელება არც იმდენად სასიხარულო აღმოჩნდა როგორც  პრეზიდენტი გვპირდებოდა. პრეზიდენტის პრეს-სპიკერმა ოფიციალურად განაცხადა რომ U2-ს ჩამოყვანა ახალწელს თბილისში არ იგეგმება. ჯერჯერობით მიმდინარეობს მხოლოდ მოლაპარაკებები ჯგუფის ბათუმში ჩაყვანაზე 2010 წლის სექტემბრისთვის.
• ===> სამაგიეროდ პირადად მე გაძლევთ გარანტიას, რომ 2010 წლის გაზაფხულზე თბილისს ერთი ლეგენდარული ბრიტანული როკ-ჯგუფი ნამდვილად ეწვევა, დაკონკრეტებისგან კი ჯერჯერობით თავს შევიკავებ
• ===> Coheed and Cambria, 2010 წლის აპრილში ახალ ალბომს “Year Of The Black Rainbow”-ს უშვებს, რომელსაც 300+ გვერდიანი პროზაული ნოველა მოჰყვება ბენდის ისტორიის შესახებ.
• ===> ლეგენდარული Deep Purple-ს კონცერტი პირდაპირ ეთერში გადასცა, იტალიის ტელე-რადიო მაუწყებელმა (RAI) რადიო 2-მა.
• ===> Grizzly Bear უკვე მეორე ფილმის “Blue Valentine” თვის წერს მუსიკას, ხოლო პირველი ფილმი იყო – “Twilight – New Moon” (ამ ფილმისთვის მუსიკა დაწერეს Thom Yorke-მ და Bon Iver-მაც)
• ===> ლიამ გალაჰერი ახალ აბომზე მუშაბს, ალბომს კი “Oasis 2.0″ ერქმევა.
• ===> გავიგეთ ოქროს გლობუსზე ნომინირებული მუსიკოსები. ოქროს გლობუსის რიგით 67-ე ცერემონიალი 17 იანვარს გაიმართება.
• ===> Vampire Weekend-მა მესამე სიმღერა წარგვიდგინა თავისი ახალი ალბომიდან.

• Medeski, Martin & Wood – Radiolarians: The Evolutionary Set
  
• The Bloody Beetroots – Romborama
  
• Reid Anderson – The Vastness OF Space
  
• Regina Spektor – Far
  
• Epic45 – In All the Empty Houses LP

ძალიან საინტერესო ინტერნეტ ინტერვიუ შემოგვთავაძა დათომ, ცნობილ ამერიკულ დუეტთან “Beach House”-თან, მართალია ჯგუფის წევრები სიტყვაძუნწები აღმოჩნდნენ, მაგრამ მაინც ბევრი საინტერესო რამ გავიგეთ.

ამ კვირაში შესანიშნავი Volume 4 და Volume 5 გვქონდა, რომლებშიც ძალიან საინტერესო და სრულიად უფასო მუსიკა შევიდა, რომლისთვისაც დიდი მადლობა დიტოს.

სულ ეს იყო, პატარა მაგრამ საინტერესო მუსიკალური კვირა. მართალია ახალწელს U2-სთან ერთად ვერ შევხვდებით, მაგრამ იმედია ბათუმში მაინც ვიხილავთ მათ. ასევე არანაკლები სუპრიზი ელოდება ჩვენს მკითხველს გაზაფხულზე… მოგვწერეთ თქვენი რჩევები და შენიშვნები: info@muzame.ge

ასევე გამოიწერეთ ჩვენი RSS არხი და იყავით მუდამ მუსიკალური სიახლეების კურსში

ვისთვის როგორ, მაგრამ ქართველი მელომანებისთვის ეს კვირა ცხელზე უფრო ცხელი აღმოჩნდა. ბოლო 3-4 დღეა ინტერნეტ-სივრცის ტოპ-თემად საქართველოში ლეგენდარული როკ-ჯგუფის U2-ს დაგეგმილი ვიზიტი იქცა. ინფორმაცია ჩვენ ჯერ პრეზიდენტის გამოსვლიდან შევიტყეთ, ხოლო შემდეგ უკვე მისივე პრეს-სამსახურში გადავამოწმეთ. შესაბამისად, სწორედ მუზამე გახდა პირველი საიტი ინტერნეტ-სივრცეში ვინც ქართველ მაყურებელს ეს ცხელ-ცხელი ამბავი ამცნო და რამდენიმე საათში ყველა ქართული ფორუმი მოიარა ამ სასიხარულო ცნობამ. ჩვენდა გასაკვირად, იყვნენ ადამიანები ვინც გამოთქვა მოსაზრება, რომ U2-ს ამბავი მუზამე-ს გამოგონილია ჩვენივე რეიტინგის ასამაღლებლად. ასეთი “მოსაზრების” მქონე რამდენიმე ადამიანს ალბათ ჰგონია, რომ მიხეილ სააკაშვილმა განცხადება თბილისში U2-ს ჩამოსვლასთან დაკავშირებით მუზამეს რეიტინგის ასაწევად სპეციალურად გააკეთა. სასაცილოა ხომ? ჩვენც გაგვეცინა, ეგ არაფერი. იაფფასიანი ხრიკების მოფიქრება პოპულარობისათვის ჩვენ არაფერში არ გვჭირდება. აი სამაგიეროდ, ჩვენი ავტორები მთელი კვირის განმავლობაში ვცდილობდით თქვენი უფრო და უფრო მზარდი ცნობისმოყვარეობის შევსებას თქვენთან ერთად საინტერესო მუსიკაზე საუბრით. ხოდა, ტრადიციულად გთავაზობთ მუზამეს კვირის გამოშვებას…

სიახლეები:

• —->> ეს კვირა ბიონსეს და ჯგუფ Of Montreal-ის შესაძლო კოლაბორაციაზე საუბრით დავიწყეთ. საქმე ისაა, რომ პოპ-ვარსკვლავმა და ამ ამერიკულმა ჯგუფმა უეცრად “აღმოაჩინეს” რომ ერთნანეთთან დუეტის ჩაწერა სურთ. არავინ იცის შედგება თუ არა კოლაბორაცია, მაგრამ ფაქტია რომ Of Montreal-მა უკვე დაწერა ერთი სიმღერა ბიონსესთვის.
• —->> სიუზან ბოილი ალბათ საუკეთესო მაგალითია იმისა, თუ როგორ უნდა აიხდინოს ადამიანმა ერთი შეხედვით ყველაზე არარეალური ოცნებაც კი. 47 წლის საკმაოდ შეუხედავმა ქალბატონმა ბრიტანეთის პატარა სოფლიდან თავისი უნიკალური ხმის წყალობით არათუ კონკურს Britains Got Talet-ში მიაღწია წარმატებას, არამედ მისი სადებიუტო ალბომი ბრიტანეთის ჩარტებში უკვე ერთი კვირაა რაც #1 ადგილს არ თმობს
• —->> სენსაციური ლაივის მომსწრენი გავხდებით ძალიან მალე. მუსიკალურ კონკურს X-Factory-ს ფინალურ კონცერტზე ტრიოში ერთად იმღერებენ პოლ მაკარტნი, ჯორჯ მაიკლი და Coldplay-ს ვოკალისტი კრის მარტინი
• —->> როგორც გავიგეთ, Sigur Ros-ის სოლისტი ჯონსი 2010 წლის მარტისთვის ახალ სოლო ალბომს გამოუშვებს სახელწოდებით Go. ალბომზე მუშაობისას მან ცნობილ კომპოზიტორ ნიკო მალისთან (Bjork) ითანამშრომლა.
• —->> ვიოლინოს განსაკუთრებული სიყვარულით ცნობილი მუსიკოსი მეტსახელად Final Fantasy ახალ ალბომს უშვებს. თუკი ალბომის პირველი სინგლის ჟღერადობას გავითვალისწინებთ, ნამუშევარი საკმაოდ დატვირთული იქნება ორკესტრული არანჟირებით.
• —->> რას აღარ იგონებენ მუსიკოსები რომ დღითიდღე ცვალებად ტენდენციებს მუსიკალურ ინდუსტრიაში ფეხი აუწყონ. Smashing Pumpkins-მა გადაწყვიტა ახალი 44 სიმღერიანი პროექტი ნაწილ-ნაწილ გამოუშვას სრულიად უფასოდ. ჯგუფი თვეში 4 სიმღერას დადებს ოფიციალურ ვებ-გვერდზე გადმოსაწერად. თუ ოფიციალური საიტიდან გადმოწერა გეზარებათ, შეგიძლიათ პროექტის პირველი სინგლი Song For A Son ზედმეტი პროცედურების გარეშე პირდაპირ მუზამეს ფლეიერიდან მოისმინოთ. (დაკლიკეთ ეკრანის ქვემოთა-მარცხენა კუთხეში არსებულ ისარს)
• —->> ამერიკული დუეტი She And Him ახალი ალბომის გამოსაშვებად ემზადება. თუკი მათი პირველი ნამუშევრის Volume One-ის წარმატებას გავიხსენებთ, უნდა ვიმედოვნოთ რომ Volume Two არანაკლები იქნება.
• —->> ახალი ალბომის გამოსაშვებად ემზადება ლეგენდარული Sonyc Youth-იც
• —->> Camera Obscura-მ კი თავის მსმენელებს საშობაო საჩუქარი გაუკეთა ახალი სინგლით.
• —->> თავის მკითხველებზე მუზამემაც იზრუნა და წინასაახალწლო განწყობისთვის საახალწლო მუსიკალური ნიუსები შემოგთავაზეთ. აბა, ხომ უნდა იცოდეთ რას მოუსმინოთ ახალი წლის დღეებში.

რეცენზიები:

• Real Estate – Real Estate
• Polvo – In Prism
• Devendra Barhat – What Will We Be

პუბლიკაციები:

ამ კვირას ახალი ინტერვიუები არ შემოგვითავაზებია. ამ მხრივ მომდევნო კვირას გასიამოვნებთ და ბევრი თქვენგანის თხოვნას ავასრულებთ – გაგაცნობთ ინტერვიუს Me And My Monkey-სთან. სამაგიეროდ… სამაგიეროდ დარწმუნებული ვარ უკვე წაიკითხეთ ორი ძააააალიან საინტერესო პუბლიკაცია. და თუ ჯერ არ წაგიკითხავთ, არ გამოტოვოთ გიორგი მამადაშვილის “ჯონ ლენონის ლიტერატურული მოღვაწეობა”, სადაც გაეცნობით ამ უცნაური ადამიანის უცნაურ მინიატურებს თავისი ჩანახატებით. ჯაზის მოყვარულებს კი სანდრო გვარჯალაძემ უსახსოვრა რეცენზია/პუბლიკაცია ჯონ კოლტრეინის ალბომზე A Love Supreme. აუცილებლად გაეცანით ამ მასალას, თუ გაინტერესებთ როგორ იქმნებოდა 60-იანი წლების ნამდვილი ჯაზი ნიუ-ჯერსის “პატარა გაბოლილ კლუბებში სადაც ათასგვარი ნარკომანები და ჰომოსექსუალები იკრიბებოდნენ მაგარი მუსიკის მოსასმენად”

Free Download:

ტრადიციულად დიტო ჩიქოვანმა იზრუნა თქვენთვის მხოლოდდამხოლოდ ლეგალური უფასო მუსიკის მოწოდებისათვის. თუკი თქვენ უსმენთ ფსიქოდელიას, გოთიკურ მუსიკას, ემბიენთს, მინიმალ ტექნოს ან სულაც აფრიკულ მუსიკას, მაშინ იხილეთ Volume 2, ხოლო პოსტ-pანკის, IDM-ის, ექსპერიმენტული მუსიკის, გრანჟის და ელექტრონიკის მოყვარულებმა გადაქექეთ ჩვენი Volume 3. აუცილებლად აღმოაჩენთ ახალ და ძალიან საინტერესო მუსიკას.

MuZic Tee Vee:

დათო დათუნაშვილი თბილისის ქუჩებში ე.წ ურბანული ვიდეოების გადაღების ინიციატივით გამოვიდა. რატომაც არა? თან ჩვენც ყველანაირად შევეცდებით რომ ამ საქმეში დაგეხმაროთ და თანაც ეს უკვე ძალიან პოპულარული გახდა პარიზში, ამსტერდამში, ვენაში. სანამ იდეას აიტაცებდეთ და მოგვწერდეთ, მუზამეს თიი ვიი-ში უყურეთ ვენის ქუჩებში გადაღებულ Camera Obscura-ს ძალიან უცნაურ ვიდეოს

აი ესე ჩაიარა ამ ცხელმა მუსიკალურმა კვირამაც. U2-ს საქართველოში ვიზიტის შესახებ საბოლოო ინფორმაცია 15 დეკემბერს გაცხადდება პრეზიდენტის პრეს-სპიკერის მიერ და რათქმაუნდა მუზამესგან პირველები შეიტყობთ ამას. იქამდე კი მგონი კარგი იქნება თუ დათოს ურბანული ვიდეოების იდეაზე დაფიქრდებით. სურვილის შემთხვევაში რათქმაუნდა თქვენს გვერდით გვიგულეთ. ხო, და არ დაგავიწყდეს ჩვენთვის მოწერა: info@muzame.ge

მაშ ასე, ჩვენო ერთგულო მკითხველო გავაცილეთ შემოდგომა და დეკემბრის დადგომასთან ერთად ვისთვის რა შეიცვალა – ზოგი თოვლს ელის, ზოგს სიცივე აწუხებს, ზოგიც წინასაშობაო სამზადისშია. რა მნიშვნელობა აქვს ვინ რას აკეთებს. მთავარია რომ ჩვენი მკითხველისთვის მუსიკა ყოველდღიურ ცხოვრებას ლაიტმოტივად გასდევს.

ხოდა ჩვენც, მუზამეს ავტორებმა ბევრი ვიფიქრეთ თუ ცოტა,  გადავწყვიტეთ დეკემბრიდან თქვენთვის ჩვენი პირველი კვირის გამოშვება შემოგვეთავაზებინა. მუზამელები მთელი კვირის განმავლობაში ვაგროვებდით საინტერესო ამბებს, ვწერდით ახალი ალბომების მიმოხილვებს, გთავაზობდით ექსკლუზიურ ინტერვიუებს უცხოურ და ქართულ ჯგუფებთან, გადმოსაწერად ვდებდით ლეგალურ პროდუქციას და თქვენთან ერთად  ვუყურებდით მუზამეს Music Tee Vee-ს. ახლა კი დროა განვლილი კვირა შევაჯამოთ. 

სიახლეები:

• ეს კვირა ჯგუფ Animal Collective-ს შესახებ საკმაოდ საინტერესო ნიუსით დავიწყეთ. როგორც გავიგეთ ჯგუფი არა ჩვეულებრივი ალბომის, არამედ ვიზუალურ/მუსიკალური პროექტის  გამოშვებას აპირებს.
• გავიგეთ ისიც, რომ ჯგუფი Keane ახალ EP-ს გამოუშვებს მომავალი წლის მაისში.
• ძალიან გაუმართლა Trojan Marching Band-ს, მათ Radiohead-თან ერთად დაუკრეს 2009 წლის გრემის დაჯილდოების ცერემონიალზე. ამ სიმღერის ჩანაწერი სარეპეტიციოდან შევიდა მათ ახალ ორდისკიან ალბომში  Trojan Legacy,  რომელიც 1 თვის წინ გამოვიდა
• ახალ ალბომზე ფიქრობს ჯეისონ პირსი.
• ხოლო Arcade Fire-მ უკვე გადაწყვიტა რომ მათი მომდევნო დისკი 2010 წლის მაისში გამოვა.
• როგორც იქნა ამოიქოქა Gorillaz და 5 წლის შემდეგ მათ ახალი სტუდიური ალბომის გამოშვება გადაწყვიტეს, მოწვეულ სტუმრად კი სნუპ დოგის გვპირდებიან. იგეგმება ჯგუფის ანიმაციური პერსონაჟების შეცვლაც.
• U2 არ ჩერდება და უფრო და უფრო იმტკიცებენ მსოფლიოს ერთ-ერთი ყველაზე წარმატებული თანამედროვე როკ-ჯგუფის იმიჯს. მომავალი წლის მაისში ისინი არც მეტი, არც ნაკლები Glastonbury-ს ფესტივალზე ჰედლაინერის სტატუსით წარსდგებიან, სავარაუდოდ როლინგ სთოუნზთან ერთად.
• ლეგენდარული ფესტივალი ამოიღო მიზანში Kasabians-მაც. 2010 წლის ზაფხულში ისინი T In The Park-ის ჰედლაინერებად მოგვევლინებიან

რეცენზიები:

ამ  კვირას სამი ახალი ალბომის მიმოხილვა შემოგვთავაზეს დიტო ჩიქოვანმა, სანდრო გვარჯალაძემ და დათო დათუნაშვილმა.

1. Animal Collective  - Fall Be Kind EP

2. Keith Jarret – Testament

3.  The Mary Onettes – Island

ინტევიუები:

გიორგი მამადაშვილმა განსაკუთრებით იმუშავა ამ მხრივ და გასულ კვირას ორი საინტერესო ინტერვიუ შემოგთავაზეთ. ერთი ექსკლუზიური ინტერვიუ ამერიკულ ელექტრონულ ჯგუფ Bear In Heaven-თან. მეორე ინტერვიუ კი ცნობილი ქართული როკ-ჯგუფის Небо СССР-ის ყოფილ ვოკალისტ კოტე კალანდაძესთან, რომელიც ამჟამად ახალი პროექტით ყოფილა დაკავებული, სახელწოდებით Lady Heroine.

Free Download: დიტო ჩიქოვანმა იზრუნა თქვენთვის უფასო ლეგალური მუსიკის მოწოდებისთვის. დაკლიკე და ჩამოქაჩე

Music Tee Vee: დათო დათუნაშვილმა და დიტო ჩიქოვანმა კი "მუზამეს თიი ვიი"-სთან მიგვიპატიჟეს, სადაც ორი საინტერესო ვიდეო ნახეთ. დარწმუნებული ვარ ბევრი იხალისეთ  მობილური კავშირგაბმულობის კომპანია T-mobile-ს სარეკლამო კლიპზე, სადაც ტრაფალგარის სკვერში 13 000 ადამიანი ერთად მღერის Hey Jude-ს. აგრეთვე საინტერესო იყო ერთი ლონდონური ჯგუფის ვიდეოები სადაც ისინი ლამაზად "აჩხაკუნებენ" საკუთარ სიმღერებს აკუსტიკურ გიტარაზე.

როგორც ხედავთ, საკმაოდ საინტერესო კვირა იყო მუსიკაში. ჩვენ კი, მუზამეს ავტორები აუცილებლად ველოდებით თქვენს იდეებს, მოსაზრებებს და ინფოებს მეილზე: info@muzame.ge

წაგვიკითხეთ და დაგვიმუზამეთ